AM 10.12.2023 IM U-TIGER: «Ds Marroni-Roni und dr grimmig Grimmpu» vorgelesen von Dominic Beyeler
Am Sunntig 10. Dezämber 2023 verzeut dr Dominic Beyeler im U-Tiger us sim nöischte Chinderbuech.
Chömet verbi u löt öich bi üs im Gwölbechäller la ischtimme ufe Zouber vor Wiehnachtszyt.
Am Sunntig 10. Dezämber 2023, begleitet vor Jasmin mit wiehnächtlicher Musig.
Starte düe mir einisch am 11:00 Uhr und einisch am 13:00 Uhr.
WO: U-TIGER, Gerechtigkeitsgasse 69, 3011 Bern
Mir fröie üs mit Öich druf!
DOMINIC BEYELER – Chinderbuechoutor u Illustrator
Dr Dominic Beyeler (1984) schaffet u läbt z Uebeschi mit sire Frou, dä zwo Töchtere, are Chatz u ganz e huufe Schaf u Esle vom Nachbarhof. Är het mehreri Jahr i Bärner Wärbeagenture verbracht. Sit em 2013 schaffet är aus säubschtändige Art Director, Grafiker u Illustrator für sini Chunde oder a eigete Projekt, wie zum Bispiiu äbe däne Wiehnachtsbüechli dahie.
Witeri Sache vom Dominic chame hie bsteue: shop.dominicbeyeler.ch